Асхат Әбдүбеков — инженерия, жаһандық ойлау және мега жобалармен жұмыс туралы

Асхат Абдубеков - инженер-конструктор, «Болашақ» бағдарламасының түлегі.

Ол әлемдегі жетекші техникалық университеттердің бірі — Imperial College London-да құрылыс инженері мамандығы бойынша магистратураны бітірді. Асхаттың кәсіби жолы «Қазатомөнеркәсіп» компаниясының еншілес кәсіпорны - Astana Solar зауытында өндірістік тәжірибеден басталды. Мұнда ол алғаш рет қолданбалы инженерия саласында құнды тәжірибе жинақтап, күн панельдерін өндірудің толық циклімен танысты.

Бакалавриатты аяқтағаннан кейін Асхат Нью-Йорктегі (АҚШ) жобалау компаниясында мансабын жалғастырды, онда үш жыл бойы инфрақұрылымдық және өндірістік нысандарда жұмыс істеді. «Болашақ» бағдарламасы бойынша магистратураны бітіріп, Қазақстанға оралып, «Эффект» жобалық компаниясында еңбек жолын бастады, онда бүгінгі күнге дейін жұмысын жалғастыруда.

«Эффект» компаниясында Асхат инженер-конструктор қызметін атқарады: инженерлік есептеулермен айналысады, жобалық сызбаларды әзірлейді және жобалық құжаттаманы дайындауға қатысады. Оның жұмысы академиялық білімді де, халықаралық және жергілікті тәжірибе жылдарында алған практикалық дағдыларды да біріктіреді.

Асхат қатысқан ең маңызды жобалардың қатарында:

• Нью-Йорктегі жаңа әуежай терминалын жобалау,
• Лондондағы Hammersmith тарихи көпірін қайта құру,
• Халықаралық компания үшін құрылыс алаңы 66 000 м2 болатын Алматыдағы логистикалық орталықты жобалау.

Бұл жобалар ол үшін кәсіби өсу мен командалық құзыреттілікті нығайтудың құнды көзі болды.

«Болашақ» бағдарламасы бойынша оқу менің өмірімдегі бетбұрыс болды. Ол озық білімге қол жеткізуді ашты, заманауи инженердің ойлауын қалыптастырды және өзіне деген сенімділікті арттырды. Мен жаһандық ойлауды үйрендім және Қазақстанның дамуына қосқан үлесімнің маңыздылығын түсіндім», - деп атап өтті Асхат.