Бірінші басшының блогы

Құрметті сайт қонақтары,

Құрметті сайт қонақтары, блогыма қош келдіңіздер!

Мұнда Сіздер қызықтыратын сұрақтарыңызды қойып, пікірлер мен ұсыныстар қалдыра аласыздар. Бұл блог тиімді өзара іс-қимыл жөніндегі диалог алаңына айналып, Орталықтың қызметін жаңғыртуға мүмкіндік беретініне сенімдімін.

Құрметпен, Әлия Қалқаманқызы

«Халықаралық бағдарламалар орталығы» АҚ Басқарма төрағасы

Жазба қалдыруЖауап беру ×

Комментарии 6

Меруерт 2 years ago

Құрметті Айнұр Бағдатқызы, Менің есімім - Бүркітбаева Меруерт, "Болашақ" бағдарламасының түлегімін. Ұлыбританияның Ньюкасл Университетінде Медиа және қоғаммен байланыс мамандығы бойынша білім алдым. Елге келіп "Егемен Қазақстан" газетінде қызмет етіп жүрмін. Сонымен қатар, Л.Н.Гумилев атындағы Еуразия ұлттық университетінің Журналистика мамандығының PhD студентімін. Орталықта еліміздің жоғары оқу орындарының бірінде докторантурада білім алып, зерттеумен айналысқан уақытым еңбекпен өтеу мерзіміне жатпайды деген жауап алдым. Сонда мен жас маман ретінде толығымен оқуға, зерттеу жұмысына көңіл бөлуге мүмкіндігім жоқ деген сөз. «Болашақтың» шартын орындауым үшін міндетті түрде қызмет етуім керек болып тұр. Осы мәселені көтеруге болмас па екен? Еңбекпен өтеуді орындау үшін оқумен қатар, мамандығы бойынша жұмыс істеуі керек. Ұсынысым – Қазақстанда PhD-ге түскен түлектердің еңбекпен өтеу уақытын осы бойынша есептесеңіздер екен. Жауабыңызды күтемін. Рахмет! Құрметпен, Меруерт Бүркітбаева, «Болашақ» бағдарламасының түлегі

Әкімшінің жауабы: Айнұр

Сәлеметсіз бе, Меруерт. Сіз «Халықаралық бағдарламалар орталығы» АҚ-мен жасасқан оқытуды ұйымдастыруға арналған Шартыңыз бойынша бекітілген Оқу жоспарында көзделген оқудың толық курсын аяқталғаннан және дәреже алғаннан кейін 15 (он бес) күнтізбелік күн ішінде Қазақстан Республикасына келуге, Орталыққа Қазақстан Республикасына кіруі туралы белгісі қойылған паспорт көшірмесін ұсынуға және Жұмыс берушіде немесе Ереженің 27-тармағы 5) тармақшасының төртінші абзацына сәйкес басқа ұйымда алған мамандығы бойынша кемінде бес жыл үзіліссіз жұмыс істеуге міндеттелгенсіз. Сонмыен қатар, PhD докторын даярлаудың білім беру бағдарламасы ғылыми-педагогикалық бағыты және іргелі білім беру, әдіснамалық және зерттеу даярлығы мен пәндерді тереңдетіп оқыту бойынша жоғары және жоғары оқу орнынан кейінгі білім беру саласы болып табылады. PhD докторантура Болон процесінің халықаралық талаптарына сәйкес ғылыми педагогикалық мамандарды даярлау процесін қамтиды. Жоғарыда айтылғандардың негізінде, докторантура бағдарламасы академиялық оқу болып табылғандықтан, жұмыс өтілімі есебіне саналмайтынын хабарлаймыз.

Ләйлә 1 month ago

Құрметті, Әлия Қалқаманқызы! Бір бөле сіңлім Италияның Сапиенца университетінде оқиды. Әкесі мезгілсіз дүниеден өтуіне байланысты анасы ЦОНға әлеуметтік көмек (пособие) алуға құжат тапсыруға тізім алады. Оның ішінде осы аталмыш университетте оқиды деген анықтама қағазы және Сапиенза университетінің бар екендігін дәлелдейдін анықтама қағазын сұрайды. Оқиды деген анықтамасы қолда бар, ал университеттің бар екендігін дәлелдейтін анықтаманы қайдан аламыз және мүмкіндігінше қолдау көрсетуіңізді өтінеміз

Әкімшінің жауабы: Әлия

Қайырлы күн! Контактілеріңізді жазыңыз, біздің куратор сізбен байланысады. Немесе сіз Италия бойынша кураторға хат жаза аласыз, aimakova@bolashak.gov.kz.

Жанна 1 month ago

Здравствуйте. Я хочу поднять такой вопрос: в списке приоритетных специальностей по программе есть “судебная медицина”, однако ни один эксперт не может учавствовать в программе “медицинский работник”, поскольку с 2015 года Центр судебных экспертиз из МЗ передан в ведение Министерства юстиции. Несмотря на то, что мы является дипломированными врачами и оказываем медицинскую помощь населению (так же как патанатомы), права на участие в конкурсе как медицинские работники мы лишены. Это существенно тормозит развитие судебной медицины в Казахстане. Просим вас пересмотреть правила для категорий медицинских работников, не входящих в систему министрества здравоохранения РК

Әкімшінің жауабы: Әлия

Добрый день, мы обязательно отправим на рассмотрение ваше предложение. Также сообщаем Вам, что претенденты вашей категории успешно участвуют в программе научных стажировок 500 ученых, в рамках которой предусмотрено повышение квалификации в более расширенном формате специализаций. Сотрудники организаций судебной экспертизы, прошедшие данную стажировку вносят огромный вклад в развитие судебной медицины в Казахстане.