ҚАТЕРЛІ ІСІКТЕН ДНҚ АРҚЫЛЫ ҚОРҒАНУ

ДНҚ-ны өңдеуден қатерлі ісіктен қорғауға дейін: қазақстандық ғалымдар жаңа технологияларды қалай енгізіп жатыр?

Қазақстаннан келген алты зерттеуші Ұлыбританиядағы "500 ғалым" атты он айлық ғылыми тағылымдамасын аяқтады. Олар биотехнологиялық зерттеулермен айналысты. "500 ғалым" ғылыми тағылымдамаларын Лондондағы Вестминстер университетінің биология ғылымдары мектебінің геномдық инженерия зертханасы ұйымдастырды.

Қазақстандық зерттеушілер Ақнұр Тұрғымбаева, Әсем Қалықова, Эльмира Картбаева, Гүлназ Сейітімова, Гүлзира Василина және Сержан Момбеков, "500 ғалым" ғылыми тағылымдамаларының стипендиаттары өз уақыттарын жасыл инновацияларды, зерттеу процестерін, биоинженерияны және адам ауруларының осалдығын зерттеуге арнады. Олардың әрқайсысы Ұлыбританияның жетекші ғалымдарымен бірге жеке жобаларда жұмыс істеді.

Доктор Сержан Момбеков пен Әсем Қалықова CRISPR (адам жасушаларында жұмыс істеуге бейімделген ДНҚ-ға нақты өзгерістер енгізуге мүмкіндік беретін революциялық геномды өңдеу технологиясы) технологияларын пайдалана отырып, қатерлі ісіктің дамуына экологиялық факторлардың әсерін зерттеді.

Доктор Эльмира Картбаева дәрілік өсімдіктерді талдау әдістерін әзірледі, ал доктор Ақнұр Тұрғымбаева медициналық мақсаттар үшін биологиялық ыдырайтын полимерлер өндірісін зерттеді. Доктор Гүлзира Василина қалдықтардан биоэтанол өндірудің мүмкіндіктерін зерттеді, ал доктор Гүлназ Сейітимова ловастатинді (қандағы холестеринді төмендететін және жүрек-қан тамырлары ауруларының қаупін төмендететін дәрі) ферментативті өндірумен айналысты.

Қазақстандық ғалымдардың жұмысын Британдық әріптестер жоғары бағалады. Бағдарламаны ұйымдастырушылар доктор Калпана Сурендранат пен Годфри Кяззе қазақстандық зерттеушілердің ғылымға деген адалдығы мен қосқан үлесін атап өтті. Бұл ғылыми тағылымдама бағдарламасы БҰҰ-ның денсаулық пен әл-ауқат, қол жетімді және таза энергия және климаттың өзгеруімен күресу сияқты тұрақты даму мақсаттарына қол жеткізуге ықпал етеді.

Дереккөз: www.westminster.ac.uk

2019 жылдан бастап Вестминстер университеті студенттер мен әріптестерге өз әлеуетін жүзеге асыруға және тұрақты, әділ және сау қоғамға үлес қосуға көмектесетін стратегиялық шешімдер үшін SDG (ЦУР) қолданады.

Әлемдегі жетекші ғылым және инновация орталықтарында ғылыми тағылымдамадан өтудің бірегей мүмкіндігін жіберіп алмаңыз - дәл қазір өтініш беріңіз!