Жарияланған күні:
«500 ғалым» бағдарламасы бойынша ғылыми тағылымдамалардың барлық жеңімпаздары онлайн форматта келісім-шарт жасасты. Бұған дейін келісім-шарттар жасау процесі 90 күнге дейін созылатын, стипендиаттар мен стипендиаттардың кепілгерлері Астана қаласындағы «Халықаралық бағдарламалар орталығы» АҚ кеңсесіне өзі келуге міндетті болатын.
Шарттарға қол қою стипендиаттар мен кепілгерлердің электрондық цифрлық қолтаңбасын пайдалана отырып, TrustContract сервисі арқылы жүзеге асырылады. Әрбір қол қоюшыға SMS хабарлама арқылы шарттың мәртебесі туралы хабарлама жіберіледі. Қысқа уақыт ішінде 1000-нан астам компания TrustMe клиенті болды және платформада 200 мыңнан астам келісімшартқа қол қойған.
«Халықаралық бағдарламалар орталығы» ұсынылатын қызметтердің сапасын арттыру мақсатында бизнес-процестерді оңтайландырып, бюрократиялық процедураларды азайтып, цифрлық форматқа көшуде. Жұмыс тобы ғылыми тағылымдамадан өтушілердің келісім-шартқа отыру процесін жедел цифрландыру міндетін қойған болатын. 4-ші лектегі 481 тұлға «500 ғалым» бағдарламасының жеңімпазы атанды және олардың барлығы бірнеше кепілгерлермен бірге келісім-шарттар жасасу үшін өз аймақтарынан Астанаға келіп, жол жүруіне, тұруына және кезекке тұруына жеке қаражатын жұмсаушы еді. Енді бүкіл процесс бір-екі күнге созылып, ыңғайлылық пен шығынды үнемдеуге мүмкіндік береді», – деді Ғылым және жоғары білім министрі С.Нұрбек.
Тағылымдама бағыты бойынша «Болашақ» стипендиясының иегерлері үшін де онлайн келісім-шарттар жасау процесі қолжетімді.
Мемлекет басшысы Қ.Тоқаев мемлекеттік қызметтерді көрсету үдерістерін цифрландыруға ерекше назар аударып отырғанын айта кеткен жөн.
Жақында магистратура және докторантура бағыттары бойынша «Болашақ» стипендиаттары үшін де келісім-шарттарға цифрлық қол қою қолжетімді болады. Қазіргі уақытта кепіл мүлкін цифрлық тіркеу процесі Цифрлық даму, инновациялар және аэроғарыш өнеркәсібі министрлігімен пысықталуда.
әзірлеген. Астанадағы веб-сайтты әзірлеу