ХАЛЫҚАРАЛЫҚ БАҒДАРЛАМАЛАР ОРТАЛЫҒЫНЫҢ БАСШЫСЫ БОЛГАРИЯ ЕЛШІСІМЕН КЕЗДЕСТІ

БО Басқарма төрағасы Олжас Сәкенов Болгария Республикасының Елшісі Боян Хаджиевпен (Boyan hadjiev) кездесу өткізді.

«Болашақ» бағдарламасы аясында 11 адам Болгарияда тағылымдамадан өтті. Түлектердің басым көпшілігі University of Food Technology in Bulgaria, Varna Free University Chernoizets Hraber, София Охрид Әулие Клемент университеті, Проф. доктор Асен Златаров университеттерінде білім алды.

Кездесу барысында «500 ғалым» ғылыми тағылымдамасы аясындағы ынтымақтастық, сондай-ақ ғылыми тағылымдамадан өту үшін ұйымдар тізімін кеңейту мәселелері де талқыланды. Қатысушылар «тағылымдама» бағдарламасы бойынша «Болашақ» стипендиясы аясында ынтымақтастықты нығайту мәселелерін пысықтады.