МАРОККОНЫҢ ЖОҒАРЫ ОҚУ ОРЫНДАРЫНА БІЛІМ АЛУ ҮШІН 20 БІЛІМ ГРАНТЫ БӨЛІНДІ

Марокко Корольдігі серіктес елдерге 2025-2026 оқу жылына арналған Марокконың жоғары, техникалық және кәсіптік мемлекеттік оқу орындарында стипендиямен 20 оқу грантын ұсынады.

Оқу деңгейлері: Бағдарлама үміткерлерге Марокконың жетекші университеттерінде келесі деңгейлер бойынша білім алуға мүмкіндік береді:

• Бакалавриат;
• Магистратура;
• Докторантура.

Оқыту тілі: Мароккодағы көптеген оқу орындарында оқытудың негізгі тілі – француз тілі. Ғылыми, техникалық және экономикалық бағыттарын таңдаған, бірақ француз тілін меңгермеген үміткерлер Рабат қаласындағы Халықаралық тілдер орталығында AMCI ұйымдастырған дайындық курсынан өтуі тиіс.

Келесі үміткерлер AMCI стипендиясына тапсыра алмайды:

• Мароккода тұратын шетелдік азаматтар;
• Марокко оқу орындарының түлектері;
• Мароккода тіркелген елшіліктердің дипломаттары мен қызметкерлері және олардың отбасы мүшелері.

Үміткерлерге қойылатын талаптар:

Бакалавриатқа үміткерлер: Үміткерлерде 2025 жылы берілген, немесе бағалар келесі деңгейлерде: «Très bien» (өте жақсы), «Bien» (жақсы), «Assez bien» (қанағаттанарлық) 2024 жылғы орта білім туралы аттестат болуы тиіс..

Жас шектеулері оқу орнына байланысты, бірақ орташа есеппен 19 мен 23 жас аралығында. AMCI ресми сайтында www.amci.ma/publications қабылдау шарттары, оқу бағыттары, бағдарламалардың ұзақтығы, берілген дипломдар және т. б. көрсетілген Марокко мемлекеттік оқу орындарының тізімі орналастырылған.

Магистратура мен докторантураға үміткерлер:
Магистратураға үміткерлердің «жақсы» деген бағадан төмен емес жоғары білімі туралы дипломы болуы керек. Докторантураға үміткерлердің магистр дипломы немесе таңдалған бағытқа сәйкес келетін жоғары білімнің екінші сатысын аяқтау туралы баламалы дипломы болуы керек.

Қосымша ақпарат Жоғары білім министрлігінің сайтында www.enssup.gov.ma, сондай-ақ Марокко университеттерінің сайттарында орналастырылған.

Қатысу үшін өтінімдер келесі сайт арқылы беріледі: www.marocalumni.mа

Квоталар шеңберінде үміткерлерді іріктеу рәсімі екі кезеңде өтеді:

• Бірінші кезең тіркеуге дейінгі, үміткерлерді алдын-ала таңдау (негізгі тізім/күту тізімі)бітіру сыныбының 1-ші және 2-ші триместрлеріндегі бағаларға негізделген.Өтініш берудің соңғы мерзімі 2025 жылдың 30 маусымына белгіленді.
• Екінші кезең бакалавриат емтиханының нәтижелері жарияланғаннан кейін өтеді, бұлтаңдалған үміткерлердің соңғы тізімдерін бекітуге мүмкіндік береді.

Бакалавриат емтихандарының нәтижелерін алудың соңғы мерзімі – 2025 жылдың 31 шілдесі.

Өтініш беру үшін қажетті құжаттар:
Барлық құжаттар сканерленіп, сандық платформаға екі нұсқада жүктелуі тиіс: түпнұсқа тілінде және француз тіліне аударылған түрде.

1 - Бакалавриат үшін Алдын ала тіркеу кезеңінде:

• бітіру сыныбының үлгерім кестелері (триместрлер немесе семестрлер бойынша); * туу туралы куәлік;
• азаматтық туралы анықтама;
• сотталмағандығы туралы анықтама;
• төлқұжат (болған жағдайда);
• үміткердің физикалық жарамдылығын растайтын, сондай-ақ оның вакцинацияланғанынжәне ешқандай жұқпалы немесе өткір аурулардан, соның ішінде пандемиялық аурулардан, әсіресе туберкулезден зардап шекпейтінін көрсететін мемлекеттік медициналық қызметтер берген медициналық анықтама. Үміткерден Мароккоға келгеннен кейін медициналық тексеруден қайта өту талап етілуі мүмкін.

Соңғы іріктеу кезеңінде:

• оқуды бітіргені туралы аттестат немесе диплом (аттестат қана болса — дипломды оқубасталған соң 2-курстың соңына дейін тапсыру міндетті);
• бакалавриат қорытындысы бойынша бағалары бар үзінді көшірме.

2 - Магистратура және докторантура үшін

• университет дипломы,
• диплом қосымшасы;
• алынған дипломдарға қатысты өткен курстардың оқу бағдарламасы;
• ғылыми жұмыс жобасы, диссертация немесе диссертация жобасы (магистратура немеседокторантура үшін);
• туу туралы куәлік;
• азаматтық туралы анықтама;* төлқұжат (болған жағдайда);
• сотталмағандығы туралы анықтама;
• үміткердің физикалық жарамдылығын растайтын, сондай-ақ оның вакцинацияланғанынжәне пандемиялық ауруларды, әсіресе туберкулезді қоса алғанда, ешқандай жұқпалы немесе өткір аурулардан зардап шекпейтінін көрсететін мемлекеттік медициналық қызметтер берген медициналық анықтама. Үміткерден Мароккоға келгеннен кейін медициналық тексеруден қайта өту талап етілуі мүмкін.

Маңызды: Құжаттары толық емес немесе кеш тапсырылған өтінімдер қарастырылмайды.

Грант келесі шығындарды қамтиды:

1. ай сайынғы стипендия – 750,00 дирхам (шамамен 75 АҚШ доллары);
2. медициналық сақтандыру;
3. тұру шығындары (өтінім бойынша);
4. тамақтану шығындары (өтінім бойынша).

Ескертпе: АМСІ агенттігі, мемлекеттік оқу орындары, Мароккоға түсу және тұру тәртібі мен ережелері туралы, сондай-ақ стипендия беру регламенті туралы қосымша ақпарат алу үшін ресми веб-сайттармен танысу ұсынылады.

AMCI агенттігі: www.amci.ma
Марокко ғылым министрлігі: www.enssup.gov.ma, www.men.gov.ma
Кәсіптік білім: www.ofppt.ma
Медициналық сақтандыру: www.finassure.org