Құрметті IT-компаниялар!

«Халықаралық бағдарламалар орталығы» АҚ мемлекеттік қызметтерді трансформациялау және реинжиниринг бойынша жүргізілетін жұмыстар шеңберінде сізді бизнес-процестерді жақсарту үшін автоматтандырылған жүйелерді әзірлеуге және енгізуге бағытталған жаңа жобаны іске асыруға қатысуға шақырады.

Қоғам шетелде кадрларды даярлаудың, қайта даярлаудың және олардың біліктілігін арттырудың халықаралық бағдарламалары бойынша іс-шаралар кешенін, оның ішінде Қазақстан Республикасы Президентінің «Болашақ» халықаралық стипендиясын, үкіметаралық гранттарды, ғылыми тағылымдамаларды жүзеге асырады.

Қазіргі уақытта қоғам бизнес-процестерді автоматтандыру үшін интеграцияланған шешімдерді әзірлеу мен енгізуде тәжірибесі бар жетекші ITкомпаниялардың ұсыныстарын жинауды қалыптастыруда. Біз деректерді басқарудың, жұмыс процестерін оңтайландырудың және максималды тиімділікті қамтамасыз етудің инновациялық тәсілдерін ұсына алатын серіктестерге қызығушылық танытамыз.

Өз тарапынан Қоғам бизнес-процестерді автоматтандыру бойынша озық шешімдерді құруда, сіздің сараптамаңызды және жаһандық нарықтағы технологиялық мүмкіндіктеріңізді көрсетуде басты серіктес болудың бірегей мүмкіндігін ұсынады. Сіздің IT шешіміңіз оның қолданылуын таба алады! Ұсынылып отырған шешім құжаттарды қабылдауды және өңдеуді, конкурсанттарды тестілеу мен бағалауды, хаттамаларды қалыптастыру мен қол қоюды, шарттар жасасуды, қаржыландыруды, мониторинг пен бақылауды жүргізуді, талдаманы жинауды және есептілікті құруды қамтамасыз етуге тиіс. Ұсынылған ақпаратты ескере отырып, сіздерді жобамызға қатысуға шақырамыз. Өтінім беру үшін 2024 жылғы 22 қаңтарға дейін (қоса алғанда) toleuzhan@bolashak.gov.kz электрондық мекенжайға қатысуды растауды сұраймыз.

Өтінімдерді қарағаннан кейін 2024 жылғы 23-24 қаңтарда ZOOM платформасы арқылы онлайн форматта кездесу өткізуді жоспарлап отырмыз. Кездесуге сілтеме өтінімдерді қабылдау аяқталғаннан кейін жауап хабарламасында жіберіледі.

Қызығушылық танытқаныңыз үшін рахмет және біз сіздің жобаға қатысуыңызды асыға күтеміз!