Швейцария Елшісімен кездесу

«Халықаралық бағдарламалар орталығы» Басқарма төрағасы Ә. Оспанованың Швейцария Конфедерациясының Қазақстандағы Төтенше және Өкілетті Елшісі С. Балмен кездесуі өтті. Талқылау барысында Білім және ғылым саласындағы ынтымақтастық перспективалары талқыланды.

Елші Салман Бал «Болашақ» бағдарламасына терең қызығушылық танытып, президенттік стипендияның халықаралық даңқы мен беделін атап өтті. Елші Швейцария университеттерінің ХБО-мен ынтымақтастығын кеңейтуге және қазақстандық жоғары оқу орындарымен бірлескен іс-шаралар өткізуге дайын екенін растады.

- «Швейцарияның білім беруде бай тәжірибесі мен озық тәжірибесі бар, мен және менің әріптестерім білім мен тәжірибе алмасу елдеріміз үшін өзара тиімді болатынына сенімдіміз. Швейцария университеттері әлемде саясат және қауіпсіздік, халықаралық қатынастар және дипломатия, бизнес және менеджмент, экономика, химия, биология, IT, сәулет, туризм бағыттары бойынша мықты бағдарламалармен танымал», - деп атап өтті Швейцария Елшісі.

Әлия Оспанова «Болашақ» стипендиясы, «500 ғалым» ғылыми тағылымдамалары, үкіметаралық гранттар, «Study in Kazakhstan» бағдарламасы сияқты ХБО басқаратын бағдарламалар туралы айтып берді. Басқарма төрағасы швейцариялық ғылыми-зерттеу орталықтары мен ХБО әріптес жоғары оқу орындарының тізімін кеңейтуді, тағылымдамадан өту үшін түрлі ұйымдарды қарауды ұсынды. Мысалы, көптеген халықаралық қоғамдық-саяси және экономикалық ұйымдар Женевада орналасқан .

Сондай-ақ, Ә.Оспанова Мемлекет басшысының қазақстандық ғалымдарға постдокторантура бағдарламалары бойынша шетелде тағылымдамадан өтуге мүмкіндік беру жөніндегі тапсырмасы туралы хабарлады.

Кездесу қорытындысы бойынша тараптар Швейцария университеттерінің, ҒЗИ өкілдерімен және Қазақстаннан келген ғалымдармен онлайн-кездесу өткізуге, сондай-ақ Швейцария жоғары оқу орындарының түлектерімен іс-шара ұйымдастыруға келісті.