СИНГАПУР ҰЛТТЫҚ УНИВЕРСИТЕТІ МЕН «ХАЛЫҚАРАЛЫҚ БАҒДАРЛАМАЛАР ОРТАЛЫҒЫ» ЫНТЫМАҚТАСТЫҚ ТУРАЛЫ МЕМОРАНДУМҒА ҚОЛ ҚОЙДЫ

Сингапур ұлттық университеті мен «Халықаралық бағдарламалар орталығы» өзара түсіністік және ынтымақтастық туралы Меморандумға қол қойды

Қазақстан Президенті Қ.Тоқаевтың Сингапурға мемлекеттік сапары аясында Сингапур ұлттық университеті (NUS) және «Халықаралық бағдарламалар орталығы» АҚ өзара түсіністік және ынтымақтастық туралы Меморандумға қол қойды. Меморандумға қол қою рәсіміне ARI директоры, профессор Тим Баннелл және ХБО Басқарма Төрағасының орынбасары Абай Рахмет қатысты.

Бұл келісімнің негізгі мақсаты гуманитарлық және әлеуметтік ғылымдар саласындағы зерттеулер мен әзірлемелер саласындағы ынтымақтастықты нығайту, сондай-ақ Орталық және Оңтүстік-Шығыс Азия арасындағы өзара іс-қимылды зерделеу болып табылады. Бұл келісім жобалармен бірлесіп жұмыс істеуге, постдокторанттармен алмасуға және зерттеу әлеуетін дамытуға бағытталған.

Ынтымақтастықтың негізгі бағыттары:

1. Бірлескен ғылыми жобалар: өзара қызығушылық тудыратын ғылыми зерттеулерді жүзеге асыру.
2. Постдокторанттарды қабылдау: зерттеушілерді гуманитарлық және әлеуметтік ғылымдар тақырыптарына 2 жылдық бастапқы кезеңге шақыру.
3. Зерттеу әлеуетін дамыту: Орталық және Оңтүстік-Шығыс Азия арасындағы өзара іс-қимылды зерттеудегі білім мен дағдыларды тереңдету.

Осы Меморандумға қол қою тараптар арасындағы мәдени және ғылыми байланыстарды нығайтуға ықпал ете отырып, Сингапур мен Қазақстан арасындағы ғылыми ынтымақтастықты дамытудағы маңызды қадамды білдіреді.

Сингапур ұлттық университеті (NUS) – Сингапурдағы жетекші университет және Азия мен әлемдегі ең үздіктердің бірі. 1905 жылы негізі қаланған NUS өзінің жоғары білім беру және ғылыми зерттеулерімен танымал.

Халықаралық Рейтинг: QS World University Rankings нұсқасы бойынша әлем университеттерінің рейтингінде 8-ші орында, World University Rankings 2024 Халықаралық рейтингінің нұсқасы бойынша 19-шы орында орналасқан.

Сингапур ұлттық университеті (NUS) түрлі оқыту бағдарламалар бойыншв үздік, әсіресе келесілерде ерекшеленеді:

1. Инженерия және технология:

• Әлемдік рейтингтердегі жоғары позицияларда;
• Биомедициналық инженерия, электротехника және информатика сияқты салалардағы танымал ғылыми бағдарламалар.

2. Жаратылыстану ғылымдары:

• Физика, химия және биологиядағы жетекші зерттеулер.
• Тұрақты даму және жаңартылатын энергия көздері саласындағы жобалар.

3. Медицина және денсаулық сақтау:

• Клиникалық медицина және қоғамдық денсаулық сақтау саласындағы зерттеулер.

Сингапур университеттері үшін Қазақстан Республикасының «Халықаралық бағдарламалар орталығы» іске асырылып жатқан бағдарламаларының презентациялық көрмесін өткізді. Көрме екі ел арасындағы ынтымақтастықты нығайтуға көмектесе отырып, білім беру бастамаларын және алмасу мүмкіндіктерін зерттеуге мүмкіндігін ашты.