ВЬЕТНАМ ҮКІМЕТАРАЛЫҚ ГРАНТЫНА ҚҰЖАТ ҚАБЫЛДАУ БАСТАЛДЫ

29 сәуірде Вьетнам Социалистік Республикасының Үкіметі мен Қазақстан Республикасының Үкіметі арасындағы 2024-2025 оқу жылына арналған Келісім шеңберінде «бакалавриат» бағдарламасы бойынша Вьетнам Республикасының жоғары оқу орындарында оқуға құжаттарды қабылдау басталады.

Өтінімдер eGov.kz «Электрондық Үкімет» порталы арқылы онлайн немесе Астана қаласындағы ХБО кеңсесінде 2024 жылғы 29 сәуір сағат 9:00-ден 2024 жылғы 12 маусым сағат 18:30-ға дейін қолма-қол қабылданады.

Қазақстандық азаматтар үшін «Бакалавриат» білім беру бағдарламасы бойынша 3 грант бөлінді.

Грант келесі шығындарды қамтиды:

• тегін оқу;
• жатақханада тұру;
• ай сайынғы стипендия.

Оқыту тілі - вьетнам тілі. Вьетнамның оқу орындарында Вьетнам тілінің бір жылдық дайындық курстары қарастырылған.

Қазақстан тарапынан үміткерлерді іріктеу келесі турлардан тұрады:

1. Тәуелсіз сараптамалық комиссия мүшелерімен үміткерлердің дербес әңгімелесуін онлайн режимде өткізу.
2. Үміткерлердің материалдарын қарау және Қорытынды комиссияның шешім шығаруы.

Үміткерлерді іріктеу үшін негізгі критерийлері болып табылады:

1. балдық жүйе бойынша шет тілін білу деңгейі;
2. білім туралы құжаттың балдық жүйе бойынша орташа балы;
3. тәуелсіз сараптамалық комиссиясының бағалауы.

Конкурсқа қатысу үшін сауалнаманың аппликациялық нысанын толтыру қажет. Толтыру кезінде тізімнен ЖОО таңдау керек. Мамандықтар тізімімен таңдалған университеттің сайтында танысуға болады.

«Электрондық үкімет» порталы арқылы құжаттарды тапсыру үшін ЭЦҚ қажет, оны қашықтан алуға болады. ЭЦҚ алу жөніндегі нұсқаулықпен онлайн режимде (қашықтықтан) мына сілтеме бойынша таныса аласыз https://egov.kz/cms/kk/services/pass_onlineecp егер электрондық қызметтерді алу кезінде қиындықтар туындаса, алдыңғы сілтеме бойынша виртуалды операторға жүгіне аласыз немесе 1414 нөмірі бойынша байланыс орталығына тегін қоңырау шала аласыз.

ЭЦҚ алғаннан кейін Сізге келесі құжаттар арқылы құжаттарды тапсыру қажет Egov.kz. Құжаттарды онлайн тапсыру нұсқаулығын келесі сілтемеден көре аласыз: https://www.youtube.com/watch?v=Gs3Bz5SpT90

Жіберу қағидаларының 17-тармағына сәйкес, халықаралық шарттар/келісімдер шеңберінде шетелде оқуға үміткерлерді іріктеу кезінде тең баллмен басымдыққа ие (келесі ретпен):

1. жетім балалар мен ата-анасының қамқорлығынсыз қалған балалар;
2. «Денсаулық сақтау саласындағы есепке алу құжаттамасының нысандарын бекіту туралы» Қазақстан Республикасы Денсаулық сақтау министрінің міндетін атқарушының 2020 жылғы 30 қазандағы № ҚР ДСМ 175/2020 бұйрығымен (Нормативтік құқықтық актілерді мемлекеттік тіркеу тізілімінде № 21579 болып тіркелген) бекітілген № 072/у нысаны бойынша медициналық анықтама (шетелге шығатындар үшін) ұсынған, медициналық қорытындыға сәйкес тиісті шетелдік білім беру ұйымдарында оқуға болатын бала кезінен мүгедектер және мүгедек балалар;
3. көп балалы отбасынан шыққан балалар;
4. ауылдық елді мекендерден ауылдық елді мекендерде соңғы 2 (екі) жыл тұратын үміткерлер;
5. шетелдік жоғары оқу орындарынан шақыруы бар үміткерлер, сондай-ақ шетелдік жоғары оқу орындарында білім алушылар.

Назар аударыңыз!!! Құжаттарды тапсыру бойынша толық ақпаратпен жадынамадан танысуға болады.

21-тармақтың 4) тармақшасына сәйкес конкурс жеңімпазмен шетелде академиялық оқуды аяқтағаннан кейін міндетті түрде Қазақстан Республикасына қайта оралып, 1 (бір) жыл мерзімге үздіксіз еңбек қызметін жүзеге асыру туралы шарт жасалады.

Қосымша ақпаратты келесі телефондар бойынша алуға болады: +7 (7172) 76-90-76, ішкі: 110, 112,113,114,115.

Құжаттарды тапсыру бойынша нұсқаулық

ҚР азаматының сауалнамасы

Ағылшын/вьетнам тілінде сауалнама

Университеттер тізімі