Жарияланған күні:
2024-2025 оқу жылына үкіметаралық гранттар аясында Вьетнамның жетекші университеттерінде білім алатын қазақстандықтардың соңғы тізімі жарияланды.
Қазақстан тарапы бұған дейін Вьетнамның жетекші университеттерінде оқуға 6 талапкерді ұсынған. «Бакалавриат» білім беру бағдарламасына үш үміткерге стипендия тағайындау туралы соңғы шешім қабылдаушы ел – Вьетнам республикасы қабылдады.
Грант академиялық оқу шығындарын өтейді және студенттерге ай сайын стипендия төленеді. Оқыту вьетнам тілінде жүргізіледі. Студенттерге Вьетнам университеттерінде вьетнам тілі курстары жүргізіледі.
Егер сіз оқуға арналған стипендиаттар тізімінде болсаңыз, онда 60 күнтізбелік күн ішінде оқуға шарт жасасу үшін «Халықаралық бағдарламалар орталығы» АҚ-ға жүгінуіңіз қажет.
Шарт жасасу үшін сайттың [bolashak.gov.kz] басты бетінде кезекті брондау қажет және өзіңізбен бірге жеке куәліктің түпнұсқасын алып келіңіз. Егер шарт жасасу кезінде жеке қатыса алмасаңыз, онда нотариалды куәландырылған сенімхат бойынша үшінші тұлға сіз үшін шарт жасаса алады. Бұл жағдайда үшінші тұлғада сіздің жеке куәлігіңіздің көшірмесі, сенімхаттың түпнұсқасы және жеке куәліктің түпнұсқасы болуы қажет.
Шарт жасасу бойынша егжей-тегжейлі кеңес алу үшін нормативтік құқықтық және шарттық қамтамасыз ету басқармасына 8-7172-76 90 79 (ішкі.170,181) хабарласа аласыз.
әзірлеген. Астанадағы веб-сайтты әзірлеу