Тағылымдамаларды ұйымдастыру және халықаралық ынтымақтастық басқармасының басшысы

(Осы бос лауазымға түйіндеме cv_hr@bolashak.gov.kz электрондық поштасы арқылы қабылданады. Түйіндемені хатта жіберу кезінде сіз өтінім беріп отырған бос лауазымның толық атауын көрсетуіңіз керек).

Білімге қойылатын талаптар: жоғары (немесе жоғары оқу орнынан кейінгі) білім. Менеджмент (менеджмент) саласында қосымша білімі және біліктілігін арттыру курстарын бітіргені туралы сертификаттардың болғаны абзал.

Жұмыс тәжірибесіне қойылатын талаптар: кемінде 5 жыл. Шетелде оқуды (магистратура, докторантура) аяқтаған жағдайда құрылымдық бөлімше бейіні бойынша жұмыс өтілі 2 жылдан кем емес немесе Қоғамдағы жұмыс өтілі 2 жылдан кем емес талаптар қойылады.

Еңбек міндеттерін орындау үшін қажетті білім:

• Қазақстан Республикасының Конституциясы;
• Қазақстан Республикасының Азаматтық кодексі;
• Қазақстан Республикасының Еңбек кодексі;
• Қазақстан Республикасының әкімшілік іс жүргізу кодексі;
• «Акционерлік қоғамдар туралы» Қазақстан Республикасының Заңы;
• «Білім туралы» Қазақстан Республикасының Заңы («Болашақ» халықаралық стипендиясы туралы ереже);
• «Қазақстан Республикасындағы тіл туралы» Қазақстан Республикасының Заңы;
• Ғылым және білім саласындағы Қазақстан Республикасы Президентінің Жарлықтары мен Үкіметінің қаулылары және басқа да нормативтік құқықтық актілер;
• «Болашақ» халықаралық стипендиясын тағайындауға үміткерлерді іріктеу ережелері;
• Талапкерлерді іріктеу және ғылыми тағылымдамадан өту ережелері (500 ғалым);
• «Халықаралық бағдарламалар орталығы» АҚ жарғысы;
• «Халықаралық бағдарламалар орталығы» АҚ іскерлік этика кодексі;
• «Халықаралық бағдарламалар орталығы» АҚ ішкі еңбек тәртібі;
• Басқару туралы ереже;
• шет елдердегі білім беру жүйесінің ерекшеліктері;
• менеджмент саласындағы алдыңғы қатарлы отандық және шетелдік тәжірибе;
• мемлекеттік, орыс және шет тілдері;
• электрондық құжат айналымы жүйесінің негіздері;
• Қоғамның және оның құрылымдық бөлімшелерінің қызметін реттейтін нормативтік құқықтық құжаттар.

Лауазымдық міндеттерді орындау үшін қажетті дағдылар мен біліктер:

• ұйымдастырушылық қабілеті;
• коммуникативті дағдылар;
• кеңес беру дағдылары;
• тәжірибелі ДК және кеңсе техникасын қолдану дағдылары;
• жергілікті және ғаламдық желілерде жұмыс істеу дағдылары;
• ауызша және жазбаша коммуникация дағдылары;
• аналитикалық құжаттарды, ақпараттық материалдарды дайындау дағдылары;
• жағдайды сыни тұрғыдан бағалай білу;
• топта жұмыс істей білу;
• презентация жасай білу;
• өзгермелі жағдайларға бейімделу қабілеті;
• деректердің үлкен көлемімен жұмыс істеу мүмкіндігі;

Лауазымдық міндеттері:

• Шетелде кадрлар даярлау жөніндегі республикалық комиссияның қарауына ғылыми тағылымдамадан өту бойынша материалдарды сапалы қалыптастыру және дайындау;
• аяқталған іс-шаралар мен жобалар бойынша қорытынды есептерді дайындау;
• Қоғамның семинарларын, кеңестерін, презентацияларын, жиналыстарын және басқа да іс-шараларын ұйымдастыруға және өткізуге қатысу;
• жобаны басқару;
• іс-шаралар мен жобаларды жүзеге асыруда шығармашылық әдістерді енгізу;
• шетелдік серіктестермен және халықаралық ұйымдармен «Болашақ» халықаралық бағдарламасы шеңберінде ғылыми тағылымдамалар мен халықаралық ынтымақтастықты әзірлеуге және жүзеге асыруға қатысу.