Үкіметаралық гранттар

Әзербайжан қазақстандықтарға 12 оқу грантын ұсынады

Қазақстан Республикасы ғылым және жоғары білім министрлігі мен Әзербайжан Республикасының Білім министрлігі арасындағы білім және ғылым саласындағы ынтымақтастық туралы келісім шеңберінде Әзербайжан үкіметі Қазақстан Республикасының азаматтарына 2025–2026 оқу жылына келесі бағдарламалар бойынша 12 оқу грантын ұсынады:

• бакалавриат бағдарламасы бойынша 3 орын;
• магистратура бағдарламасы бойынша 5 орын.
• докторантура бағдарламасы бойынша 2 орын.
• медициналық білім(жоғары білім) және резидентура бағдарламасы бойынша 2 орын.

Оқу әзербайжан немесе ағылшын тілдерінде.

Оқыту тілі немесе мамандығы бойынша тиісті білімі бар студенттер үшін дайындық жұмыстары ұйымдастырылады. Курстардың ұзақтығы - 6 айдан бір жылға дейін, ол жоғары оқу орны тарапынан анықталады.

Ағылшын тілінде білім алу үшін сізде кемінде дегенде:

• «Бакалавриат» бағдарламасы үшін – IELTS 9.0-ден 5.0; TOEFL 120-дан 40;
• «Магистратура», «Докторантура» және «Резидентура» бағдарламалары үшін –IELTS 9.0-ден 5.5 TOEFL 120-дан 50 деңгейі бар жарамды сертификат болуы қажет.

Үміткерлер өз қалауы бойынша 3 университет және мамандық таңдай алады.

Жоғары оқу орындар тізімі

Грант келесі шығындарды өтейді:

• тегін оқу;
• ай сайынғы стипендия;
• медициналық сақтандыру.

Ескерту!!! Басқа шығындарды, оның ішінде жолақы шығындарын, грант иесі өзі өтейді.

Толық құжаттар топтамасын қабылдау мерзімі 2025 жылғы 1 сәуірден 30 сәуірге дейін.

Білім беру саласындағы келісімдер шеңберінде шетелде оқуға үміткерлерді іріктеу дербес әңгімелесу жолымен жүзеге асырылады.

Халықаралық шарттар шеңберінде шетелде оқуға үміткерлерді іріктеу кезінде жетім балалар мен ата-анасының қамқорлығынсыз қалған балалар; бала кезінен мүгедектер мен мүгедек балалар; көп балалы отбасынан шыққан балалар; ауылдық елді мекендерде соңғы 2 (екі) жыл тұратын үміткерлер; шетелдік жоғары оқу орындарынан шақыруы бар үміткерлер басымдыққа ие.

Қорытынды іріктеуді қабылдаушы тарап өткізеді.

Құжат тапсыру бойынша нұсқаулық
ҚР азаматының сауалнамасы
Анкета (Әзербайжан) орыс тілінде
Анкета (Әзербайжан) ағылшын тілінде

СЛОВАК РЕСПУБЛИКАСЫНДА БІЛІМ АЛУ ҮШІН БІЛІМ ГРАНТТАРЫ БӨЛІНДІ

«Халықаралық бағдарламалар орталығы» АҚ Словакия Республикасының жоғары оқу орындарына оқуға құжаттарды қабылдау туралы хабарлайды!

Қазақстан Республикасы Білім және ғылым министрлігі мен Словакия Республикасының Білім министрлігі арасындағы Меморандум аясында қазақстандық азаматтарға магистратура мен докторантурада оқудан өту мүмкіндігі ашылды.

Гранттар саны: 4

• Магистранттарға 2 грант
• Докторанттарға 2 грант

Негізгі шарттары:

• Шәкіртақы магистранттар мен докторанттардың оқу сапарларына арналған (оқу ұзақтығы: 3 айдан 10 айға дейін).
• Шәкіртақы дәреже алу үшін оқудың толық курсын қамтымайды.
• Шәкіртақы келесі шығындарды қамтиды: Магистранттар үшін: айына 620 евро. Докторанттар үшін: айына 1025,50 евро.

Медициналық сақтандыру және жол ақысын үміткер өз есебінен төлейді.

Оқу тілі:

• Словакияда білім словак тілінде (немесе чех тілінде), сонымен қатар ағылшын тілінде жүргізіледі. Словак (чех) тілін білу деңгейі жеткіліксіз болған жағдайда, өтініште ағылшын тілін білу деңгейін көрсету қажет.

Гранттар туралы толық ақпарат веб-сайтта берілген. https://www.minedu.sk/scholarships-offered-within-the-framework-of-bilateral-programs-of-cooperation-for-20252026

Өтінім беру мерзімі: 2025 жылдың 5 наурызына дейін (қоса алғанда).

Құжаттар 2025 жылғы 3 ақпаннан 5 наурызына дейін (қосы алғанда) «Электрондық үкімет» порталы (Egov.kz) https://egov.kz/cms/ru/services/higher_education/pass_203_mon арқылы немесе «Халықаралық бағдарламалар орталығы» АҚ-ға кеп қолма қол тапсыруға болады.

Құжат тапсыру жөніндегі нұсқаулықпен келесі сілтемеде танысуға болады: https://www.youtube.com/watch?v=63vBxsMIkYs

Шетелде оқуға үміткерлерді іріктеу келесі турлар арқылы жүзеге асырылады:

1. Тәуелсіз сараптамалық комиссия мүшелерімен үміткерлердің дербес әңгімелесуін онлайн режимде өткізу.
2. Үміткерлердің материалдарын қарау және Қорытынды комиссияның шешім шығаруы.

Үміткерлерді іріктеу үшін негізгі өлшемшарттар:

1. балдық жүйе бойынша шет тілін білу деңгейі;
2. білім туралы құжаттың балдық жүйе бойынша орташа балы;
3. Тәуелсіз сараптамалық комиссияның бағасы.

Қағидалардың 17-тармағына сәйкес, халықаралық шарттар/келісімдер шеңберінде шетелде оқуға үміткерлерді іріктеу кезінде балл тең болған жағдайда мына төмендегілер баллмен басымдыққа ие болады (келесі ретпен):

1. жетім балалар мен ата-анасының қамқорлығынсыз қалған балалар;
2. «Денсаулық сақтау саласындағы есепке алу құжаттамасының нысандарын бекіту туралы» Қазақстан Республикасы Денсаулық сақтау министрінің міндетін атқарушының 2020 жылғы 30 қазандағы № ҚР ДСМ 175/2020 бұйрығымен (Нормативтік құқықтық актілерді мемлекеттік тіркеу тізілімінде № 21579 болып тіркелген) бекітілген № 072/у нысаны бойынша медициналық анықтама (шетелге шығатындар үшін) ұсынған, медициналық қорытындыға сәйкес тиісті шетелдік білім беру ұйымдарында оқуға болатын бала кезінен мүгедектер және мүгедек балалар;
3. көп балалы отбасынан шыққан балалар;
4. ауылдық елді мекеннен шыққан, соңғы 2 (екі) жылда ауылдық елді мекенде тұратын үміткерлер;
5. шетелдік жоғары және жоғары оқу орындарынан кейінгі білім беру ұйымдарынан шақыруы бар үміткерлер, сондай-ақ шетелдік жоғары оқу орындарында білім алушылар.

Іріктеу қорытындысы бойынша ұсынылған үміткерлердің тізімі қабылдаушы тарапқа жіберіледі. Соңғы шешімді қабылдаушы тарап қабылдайды.

Құжат тапсыру бойынша толық ақпаратпен жадынамадан танысуға болады.

21-тармақтың 4) тармақшасына сәйкес конкурс жеңімпазының шетелде академиялық оқуды аяқтағаннан кейін міндетті түрде Қазақстан Республикасына қайта оралуы және (бір) жыл мерзіммен үздіксіз еңбек қызметін жүзеге асыруы көзделген.

Қосымша ақпаратты мына телефондар бойынша алуға болады: +7 (7172) 76-90-76 ішкі нөмірлер: 110, 112, 113, 114, 115.

Ережемен мұқият танысуыңызды сұраймыз http://adilet.zan.kz/rus/docs/V080005499_

Құжат тапсыру бойынша нұсқаулық

ҚР азаматының сауалнамасы

Application