10 лет

Телефоны по вопросам приема документов и конкурса: 8 (7172) 76 90 82; 76 90 84; 24 93 85; 24 93 86.

egov new

25let

«Халықаралық бағдарламалар орталығы» АҚ

  • ins

Последние новости

Қырғызстан қазақстандықтарға республиканың жоғары оқу орындарында оқыту үшін 5 грант бөледі

ҚАЗАҚСТАН РЕСПУБЛИКАСЫНЫҢ БІЛІМ ЖӘНЕ ҒЫЛЫМ МИНИСТРЛІГІ ҚЫРҒЫЗ РЕСПУБЛИКАСЫНЫҢ ҮКІМЕТІ МЕН ҚАЗАҚСТАН РЕСПУБЛИКАСЫНЫҢ ҮКІМЕТІ АРАСЫНДАҒЫ БІЛІМ БЕРУ САЛАСЫНДАҒЫ ЫНТЫМАҚТАСТЫҚ ТУРАЛЫ 2006 ЖЫЛҒЫ 4 ШІЛДЕДЕГІ КЕЛІСІМ ШЕҢБЕРІНДЕ 2017-2018 ОҚУ ЖЫЛЫНА ҚЫРҒЫЗ РЕСПУБЛИКАСЫНЫҢ ЖОҒАРЫ ОҚУ ОРЫНДАРЫНДА 5 (БЕС) БЮДЖЕТТІК ОРЫНҒА КОНКУРС ЖАРИЯЛАЙДЫ.

Screenshot 15

Үміткерлерді іріктеудің негізгі өлшемшарттары келесідей:

1)     білім туралы құжаттың орташа балы: «бакалавриат» бағдарламасы бойынша үміткерлер үшін – орта білім туралы аттестат балы кемінде 5,0-ден 4,5; «магистратура» бағдарламаласы бойынша үміткерлер үшін – бакалавр/маман дипломының балы кемінде 5,0-ден 4,5 немесе GPA 4.0-ден 3.0 болуы қажет

2)     үміткер оқуын аяқтамаған жағдайда, ағымдағы үлгерімінің орташа балы жоғарыда көрсетілген талаптарға сәйкесінше сай болуы қажет

3)     мамандығы – жоғары білім дипломы мамандығына сәйкес келуі (магистратура үшін) қажет.

Келісім шеңберінде ұсынылады:

-        тегін оқыту

-        үлгерімі жоғары болған жағыдайда ай сайынғы стипендия – шамамен 800 сом (KGS).

Қалған шығындар студенттердің өз қаражаты есебінен жүзеге асырылады.

Білім алу тілі – орыс тілі.

Қырғыз Республикасының жоғары оқу орындарында оқу үшін үміткерлер келесі құжаттарды ұсынуы қажет:

-        еркін нысандағы шетелде оқу үшін негіздеме-өтініш (орыс немесе қазақ тілінде). Күні құжаттар тапсырылған күні қойылады

-        жеке куәлік және ұлттық төлқұжат (салыстыру үшін түпнұсқалар ұсынылмаған жағдайда нотариалдық куәландырылған) көшірмелері

-        Қазақстан Республикасының шетелге оқуға шығатын азаматыныңқосымшадағынысан бойынша толтырылған сауалнамасы. Күні құжаттар тапсырылған күні қойылады

-        шетелге шығушылар үшінқосымшағасәйкес 082/у нысанындағы медициналық анықтама

-        орта білім туралы аттестат немесе бакалавр/маман дипломы (салыстыру үшін түпнұсқалар ұсынылмаған жағдайда нотариалдық куәландырылған) көшірмесі

-        бакалавриат бағдарламасының соңғы курсында білім алушылар үшін: ЖОО түлегінің мәртебесі туралы анықтама және ЖОО-ң мөрімен расталған барлық оқу кезеңі транскриптісі

-        мақтау қағазы және сертификаттардың (олар болған жағдайда) көшірмелері

-        2 профессордан ұсыным хаттар (магистратура үшін)

-        ЖОО немесе таңдалған ғылыми мекеменің қызметкері ұсынған үміткердің ғылыми жобасы қабылдаушы мекемеде орындалуына болады деп расталған оқуға қабылдау келісімі (магистратура үшін)

-        үміткердің жетім және ата-анасының қамқорлығынсыз қалған балалар; медициналық қорытынды бойынша шетелдік білім беру ұйымдарында оқу қарсы көрсетілмеген бала шағынан мүгедектер мен мүгедек-балалар; көп балалы отбасылардағы балалар санатына жататынын растайтын құжаттар

-        үміткердің ата-анасының (қамқоршылары, заңды өкілдері) шетелге оқу үшін жіберугежазбаша келісімі(18 жасқа толмаған тұлғалар үшін).

Қырғыз Республикасында жоғары оқу орыны мен мамандықтар тізімі келесі сілтеме бойынша қоса беріледі.

Құжаттар файлдық папкада 2 данада (1 түпнұсқа, 1 көшірме) ұсынылады.

Құжаттарды тапсыру мерзімі – 2017 жылғы 20 шілдеге дейін.

Құжаттар толық жинақталғанда ғана келесі мекен-жай бойынша (жеке немесе сенімхат бойынша) қабылданады: Астана қ., Сол жағалау, Мәңгілік Ел даңғылы 8, «Алтын Орда» БО, 5-қабат, 502-кабинет.

Байланыс тел.: +7 (7172) 24 93 87

E-mail:Alzhanova@bolashak.gov.kz

 

Қырғызстан қазақстандықтарға республиканың жоғары оқу орындарында оқыту үшін 5 грант бөледі

11.07.2017

ҚАЗАҚСТАН РЕСПУБЛИКАСЫНЫҢ БІЛІМ ЖӘНЕ ҒЫЛЫМ МИНИСТРЛІГІ ҚЫРҒЫЗ РЕСПУБЛИКАСЫНЫҢ ҮКІМЕТІ МЕН ҚАЗАҚСТАН РЕСПУБЛИКАСЫНЫҢ ҮКІМЕТІ АРАСЫНДАҒЫ...

Тәжікстан Республикасы гранттарының ұсынылуы туралы ақпарат

Қазақстан Республикасы Білім және ғылым министрлігі 2000 жылғы 13 маусымдағы Қазақстан Республикасының Үкіметі мен Тәжікстан Республикасының Үкіметі арасындағы білім беру саласындағы ынтымақтастық туралы келісім шеңберінде Тәжікстан Республикасының жоғары оқу орындарында бакалавриат (40 орын) және магистратура (10 орын) бағдарламалары бойынша оқуға конкурс жариялайды.

Tadzhikistan

Құжаттарды қабылдаудың соңғы мерзімі – 2017 жылдың 20 шілдесіне дейін.

Келісім шарт бойынша:

—тегін оқу;

— жоғары оқу орнының жатақханасы;

— шәкіртақы беріледі (шамамен  4000тенге көлемінде)

Үміткерлерді іріктеудің негізгі өлшемшарттары:

1) білім туралы құжаттың орташа балы;

2) білім алушылардың академиялық кезеңнің аяқталуы бойынша ағымдағы үлгерімі;

3) мамандығының жоғары білім дипломының мамандығына сәйкестігі (магистратура үшін) болып табылады.

Тәжікстан Республикасында оқу үшін үміткерлер келесі құжаттарды ұсынуға тиіс:

- еркін нысандағы шетелде оқу үшін негіздеме-өтініш (орыс немесе қазақ тілінде), дата құжаттар тапсырылған күні қойылады;

- Қазақстан Республикасының шетелге оқуға шығатын азаматының қосымшадағы нысан бойынша толтырылған сауалнамасы, дата құжаттар тапсырылған күні қойылады;

- жеке куәлік және ұлттық төлқұжат көшірмесі (салыстыру үшін түпнұсқалар ұсынылмаған жағдайда нотариалдық расталған);

- соңғы білім туралы құжаттың және оның қосымшасының көшірмелері (салыстыру үшін түпнұсқалар ұсынылмаған жағдайда нотариалдық расталған);

- мектеп түлектері үшін: 9-сынып аттестаты және оның қосымшасының нотариалды расталған көшірмелері, 10 және 11-сыныптардағы оқу үлгерімдері туралы табельдерінің мектеп мөрімен расталған көшірмелері, мектеп директоры растаған түлек мәртебесі туралы анықтама;

- студенттер үшін: дипломның немесе аттестаттың және қосымшаларының көшірмелері, солармен қатар жоғары оқу орнының оқу бөлімі растаған сынақ кітапшасынан үзінді (немесе транскрипт), түлек мәртебесі туралы анықтама;

- аттестаттың орташа балы 5,0-ден 4,5-ке; бакалавр дипломы 4.0-ден 3.0 GPA балына сәйкес келуі керек;

— қосымшаға сәйкес нысан бойынша медициналық анықтама (шетелге шығушылар үшін);

- грамоталар, сертификаттар, дипломдар, алғыс хаттар көшірмелері (бар болса);

- ұсыным хаттар (бар болса);

- транскрипт (шетелдік жоғары оқу орнына магистратура немесе бакалавриат бағдарламалары бойынша өз бетімен түскен немесе оқып жүрген тұлғалар үшін). Бұл ретте мемлекеттік немесе орыс тіліне нотариалды куәландырылған аудармалары ұсынылады;

- таңдаған зерттеу тақырыбы бойынша эссе (аспирантура бағдарламасы бойынша оқу үшін);

- үміткердің жетім балалар және ата-анасының қамқорлығысыз қалған балалар; медициналық қорытынды бойынша тиісті шетелдік білім беру ұйымдарында оқу қарсы көрсетілмеген бала шағынан мүгедектер мен мүгедек-балалар; көп балалы отбасылардағы балалар санатына жататынын растайтын құжаттар;

- үміткердің ата-анасының (қамқоршылары, заңды өкілдері) шетелге оқу үшін жіберуге жазбаша келісімі (18 жасқа толмаған тұлғалар үшін).

Тәжікстан Республикасының жоғары оқу орындары және мамандықтар туралы ақпарат қоса беріледі.

Құжаттар 2 данада (1 түпнұсқа, 1 көшірме) тезтікпе-папкада немесе файлдық папкада (әрбір парақ файлда) ұсынылуға тиіс.

Тезтікпе мұқабасында немесе папканың бірінші файлында аты-жөні, мекен-жайы, байланыс телефон нөмірлері, оқу елі, таңдалған мамандығы, оқу бағдарламасы (бакалавриат, магистратура немесе докторантура) міндетті түрде көрсетілуі тиіс.

Құжаттар толық жинақталған жағдайда ғана келесі мекен-жай бойынша қабылданады: 

Астана қаласы, Сол жағалау, Мәңгілік Ел дғ. 8, «Алтын Орда» бизнес орталығы, 5-қабат, 502-кабинет.
Байланыс тел.: +7 (7172) 24 93 87, +7 (7172) 24 93 73
E-mail: galiyeva@bolashak.gov.kz

 
 
 

Тәжікстан Республикасы гранттарының ұсынылуы туралы ақпарат

11.07.2017

Қазақстан Республикасы Білім және ғылым министрлігі 2000 жылғы 13 маусымдағы Қазақстан Республикасының Үкіметі мен...

«Болашақ» стипендиясына бірінші үміткерлер ТСК конкурстық іріктеуі кезеңдерінен өтті

«Болашақ» стипендиясы тағайындалуына бірінші жүз үміткер конкурстық іріктеу кезеңдерінен өтті. Бірінші тур нәтижесі бойынша (уәждемелік және ұсыныс хаттар бойынша бағалау) сарапшылар – Тәуелсіз сараптамалық комиссия (ТСК) мүшелері жетпіс тоғыз үміткерді осы жылдан бастап 6 турдан тұратын конкурсқа әрі қарай қатысу үшін ұсынды

bolashak 20 1

 

«Болашақ» стипендиясын тағайындау үшін конкурстық іріктеуге бірінші жүз үміткер арасында 80 адам шетелдік жоғары оқу орындарына өз бетінше түскендер ретінде қатысты, 9 – «жалпыконкурс» жаңа санаты, 7 – «мемлекеттік қызметші» санаты бойынша және басқалар.

Үміткерлердің басым бөлігі Астана (49 адам) және Алматы (24) қалаларының, сондай-ақ Ақмола (10), Атырау (5), Шығыс Қазақстан (4) және Оңтүстік Қазақстан (4) облыстарының өкілдері.

«Болашақ» бағдарламасы шеңберінде оқуға үміткерлер арасында әдеттегіше  Ұлыбритания (69 адам) мен АҚШ (27) сияқты елдер басымдыққа ие.

Барлығына мәлім болғандай, осы жылы ТСК мүшілерімен уәждемелік және ұсыныс хаттарды бағалау (бірінші тур) атты жаңа конкурстық кезең енгізілді. Бірінші тур қорытындысы бойынша 21 үміткер осы кезеңнен өте алмады. 

Уәждемелік және ұсыныс хаттарды дайындау бойынша ұсыныстарды ресми сайтта Үміткерге/Ұсыныстар/Құжаттарды дайындау бойынша ұсыныстар бөлімінде таба аласыз.

 

Бүгінгі күнге «Болашақ» стипендиясын тағайындау конкурсына қатысу үшін 200 құжат тапсырылды.

Естеріңізге сала кетейік, биылғы жылы құжаттарды қабылдау 2017 жылғы    29 мамырдан 15 қыркүйекке дейін жүзеге асырылады. Стипендия тағайындау конкурсы 2017 жылғы 5 маусымнан 20 желтоқсанға дейін үздіксіз режімде өтеді.

Конкурсқа қатысу үшін құжаттарды тапсыру тәртібімен Орталықтың ресми сайтында келесі сілтемелер бойынша танысуға болады: https://www.bolashak.gov.kz/projects/info/index3_kz.html 

немесе https://www.bolashak.gov.kz/projects/info/index2_kz.html

 

«Болашақ» стипендиясына бірінші үміткерлер ТСК конкурстық іріктеуі кезеңдерінен өтті

11.07.2017

«Болашақ» стипендиясы тағайындалуына бірінші жүз үміткер конкурстық іріктеу кезеңдерінен өтті. Бірінші тур нәтижесі бойынша...

Астана, туған күніңмен!

Құрметті "Болашақ" бағдарламасының стипендия иегерлері, түлектері, серіктестері мен достары! 
Сіздерді Астана күнімен құттықтаймыз!  

 

Открытка ДС - 3

Астана, туған күніңмен!

05.07.2017

Құрметті "Болашақ" бағдарламасының стипендия иегерлері, түлектері, серіктестері мен достары! Сіздерді Астана күнімен құттықтаймыз!    

«International Education Fair 2017» Алматыда өтті

Қазақстан Республикасы Білім және ғылым министрлігі мен «Халықаралық бағдарламалар орталығы» АҚ ҚР Білім және ғылым министрі Е. Сағадиевтың қатысуымен 2017 жылғы 23-24 маусымда Астана қаласында және 2017 жылғы 26-27 маусымда Алматы қаласында ұйымдастырған «International Education Fair 2017» халықаралық білім көрмесі өз жұмысын аяқтады. 

8Z1A7900

Көрме Қазақстанның әлемдік білім кеңістігіне бірігу үшін  жоғары білім саласындағы халықаралық ынтымақтастықты кеңейту, шетелдегі білім беруді дәріптеу, сондай-ақ халықыралық білім беру жобаларын жүзеге асыру аясында тәжірибе алмасу мақсатында өткізілді.

«International Education Fair-2017» жоғары білімді жаһандандыру мәселелерін талқылауға арналған ықпалды диалог алаңына айналды. ҚР Білім және ғылым министрлігінің мәліметі бойынша бүгінгі күнде Қазақстанда халықтың үшінші бөлігіне жуық санды 14 пен 29 жас аралығындағы жастар құрайды. Ал ЮНЕСКО мағлұматы бойынша 2,5 миллионнан астамы өз елдерінен тыс оқу орындарында оқып жатыр. Болжам бойынша – 2020 жылға қарай студенттердің халықаралық ұтқырлығы ауқымы 7 миллион адамға дейін жетеді.

«Бүгін Халықаралық білім көрмесіне шамамен 80 шетелдік жоғары оқу орны, 50 қазақстандық жоғары оқу орны және Қазақстан мен Орталық Азияның 50 білім беру агенттігі қатысты. Осындай іс-шараларды өткізу және олардың жұмысына отандық пен шетелдік жетекші мамндардың қатысуы білім және ғылым саласындағы үкіметаралық ынтымақтастық кеңеюіне, сондай-ақ студенттер арасындағы академиялық ұтқырлығы жоғарылауына ықпал етеді», - деп атап өтті З. Төребекова.

Алматыда өткен көрме алаңында қазақстандық пен шетелдік жоғары оқу орындары өкілдері, сондай-ақ білім беру агенттіктері арасында 100-ге жуық В2В-кездесу өтті. Университеттер көрме қатысушылары үшін оқу бағдарламалары, бейінді мектептер, түсу шарттары және басқа туралы айтып беріп, 50-ден астам презентация өткізді.

Астана мен Алматы қалаларында өткен екі көрме қорытындысы бойынша 150-ден астам презентация, 200-ден астам В2В сессия өткізілді, 12 жоғары білім беру саласындағы ынтымақтастық туралы, оның ішінде қос диплом бағдарламалары мен академиялық ұтқырлықты дамыту бойынша меморандумға қол қойылды.

Қазақстанда қос диплом бағдарламалары негізінде магистрлік бағдарламалар бойынша жүзеге асырылады, бір жыл – Қазақстанда, бір жыл – шетелде. Сонымен, түлек әріптес және қазақстандық жоғары оқу орындарынан екі диплом алады.

«Қос диплом тәжірибесі жастар үшін өте тартымды болып табылады, ал жоғары оқу орындарына бәсекелесуге неғұрлым қабілетті болуға мүмкіндік береді. Жоғары оқу орындары қос диплом дамыту туралы меморандумдарды жасаған кезде бағдараламаларды салыстырып тексереді, болашақта есептелетін және бір уақытта екі диплом табыстау мүмкіндігін беретін кредиттер санын белгілейді. Одан басқа, бұл оқып жатқан шетелдік студенттер мен академиялық ұтқырлық шеңберінде шетелге шыққан студенттер саны сияқты, жоғары оқу орындарына рейтингтік баға беру кезінде маңызды көрсеткіш болып табылады», – деп айтты Зульфия Төребекова.

Одан басқа, Орталық білім саласындағы үкіметаралық келісімдер және әртүрлі стипендиалдық бағдарламалар шеңберінде шетелде оқу мүмкіндіктері бойынша ақпарат ұсынды.

«Қазақстан жастары үшін шетелде оқу бойынша әртүрлі мүмкіндіктер бар, айта кететіні ақылы оқудан басқа, үкіметаралық келісімдер, қолданыстағы стипендиалдық бағдарламалар шеңберінде берілетін үкіметтік гранттар, шетелдік мемлекеттер гранттары есебінен де оқуға болады. Өткен жылға дейін шамамен 300 үкіметаралық грант берілсе, осы жылдан бастап гранттар саны 1000-ға дейін көбейді. Ресей биылғы гранттар санын 437-ге дейін көбейтті, Мажарстан 200 орын, Қытай келесі жылы 200 орынға дейін көбейту мүмкіндігімен – 55 орын беріп отыр, және де Чехиядан 200 грант күтудеміз», – деп мәлімдеді «Халықаралық бағдарламалар орталығы» АҚ вице-президенті Зульфия Төребекова.

Көрме жұмысына қазақстандық және шетелдік жоғары оқу орындарының 500-ден астам өкілі (АҚШ, Ұлыбритания, құрлықтық Еуропа, Азия және ТМД елдері), тілдік мектептер, білім беру агенттіктері, халықаралық стипендия бағдарламалары, сонымен қатар мектептер, колледждер, жоғары оқу орындарының шетелде оқу/тағылымдамадан өту бағдарламаларына қызығушылық танытқан түлектері қатысты.

«International Education Fair 2017» Алматыда өтті

01.07.2017

Қазақстан Республикасы Білім және ғылым министрлігі мен «Халықаралық бағдарламалар орталығы» АҚ ҚР Білім және...

ШАНХАЙ ПОЛИТЕХНИКАЛЫҚ УНИВЕРСИТЕТІ ҚАЗАҚСТАН АЗАМАТТАРЫНА БАКАЛАВРИАТ БАҒДАРЛАМАСЫ БОЙЫНША ОҚУ ҮШІН 20 ГРАНТ БӨЛІП БЕРЕДІ.

Шанхай политехникалық университеті (ShanghaiSecondPolytechnicUniversity) қазақстандық талапкерлерді (25 жасқа дейін) шанхай үкіметінің оқу ақысы мен медициналық сақтандыруды қамтитын грантына қабылдауға дайын. 

 shanghai

Үміткерлерді алдын ала іріктеу рәсіміне қатысу үшін ү.ж. 7 шілде таңғы сағат 10-ға дейін төмендегі құжаттардың сканерленген көшірмелерін келесі электрондық пошта мекен-жайларына: baiturin.a@bolashak.gov.kz, ryskulova@bolashak.gov.kz жіберу керек (алынғанын мына телефон нөмірлері арқылы анықтауға болады:+7 (7172) 24 93 72, +7 (7172) 76 91 08):

1. Төлқұжат;

2. HSK (4.0) немесе IELTS (6.0) қолданыстағы сертификаттары;

3. Мектеп аттестаты (ағымдағы жылғы түлектер алдын ала есептелген аттестат, қытай немесе ағылшын тілінде болмаса, нотариалдық куәландырылған аудармасы қажет болады);

4. 9-11 сынып табельдері (қытай немесе ағылшын тілдеріне нотариалды куәландырылған аудармалар);

5. Егер талапкер жоғары оқу орнында оқыған болса, транскрипт қажет болады (қытай не ағылшын тілдеріне нотариалды куәландырылған аудармаларымен бірге).

Барлық туындаған сұрақтар бойынша Астана қ., Сол жағалау, Мәңгілік Ел даңғылы 8, «Алтын Орда» БО, 6-қабат, 611-кабинет мекен-жайы немесе +7 (7172) 24 93 72, +7 (7172) 76 91 08 телефон нөмерлері арқылы хабарласуға болады.

 

ШАНХАЙ ПОЛИТЕХНИКАЛЫҚ УНИВЕРСИТЕТІ ҚАЗАҚСТАН АЗАМАТТАРЫНА БАКАЛАВРИАТ БАҒДАРЛАМАСЫ БОЙЫНША ОҚУ ҮШІН 20 ГРАНТ БӨЛІП БЕРЕДІ.

30.06.2017

Шанхай политехникалық университеті (ShanghaiSecondPolytechnicUniversity) қазақстандық талапкерлерді (25 жасқа дейін) шанхай үкіметінің оқу ақысы мен...

Астанада «International Education Fair 2017»  халықаралық білім көрмесі өтті

 Үстіміздегі жылғы  23–24 маусымда Астана қаласында «Қазақстан» орталық концерт залында Қазақстан Республикасы Білім және ғылым министрлігі мен «Халықаралық бағдарламалар орталығы» АҚ-пен ұйымдастырылған «International Education Fair-2017» ең ірі халықаралық білім көрмесі өткізілді.

Көрменің салтанатты ашылу рәсімінде Қазақстан Республикасы Білім және ғылым министрі Е.Сағадиев құттықтау сөз сөйледі: «Қазіргі жастар, соның ішінде қазақстандық, серпінді даму жағдайында болып жатқан өзгерістерге жоғары зеректікпен, жаңа трендтерге сәйкес келу ынтасымен, терең білім мен инновациялық жаңалықтарға ұмтылысымен өзгешеленеді. Осындай іс-шараларды өткізу және олардың жұмысына жетекші отандық және шетелдік мамандардың қатысуы білім және ғылым саласында мемлекетаралық ынтымақтастықтың кеңеюіне ықпал етеді».  «Көрме алаңы өңірдегі және оның шегінен тысқары трансшекаралық ынтымақтастықты кеңейтудің шыққан жері болады», - деп министр өз сенімін білдірді,               сондай-ақ іс-шараның қатысушылары мен қонақтарына табыс, жаңа іскерлік байланыстар мен жемісті еңбек тіледі.

Көрмеге  Қазақстан Республикасы Парламенті Сенатының депутаттары Б.Әйтімова мен А.Бижанов қатысты.

Іс-шараға 100-ден астам қазақстандық және шетелдік жоғары оқу орындары (АҚШ, Ұлыбритания, құрлықтық Еуропа, Азия және ТМД елдері), тілдік мектептер, білім агенттіктері қатысты. Harvard University, Johns Hopkins University (АҚШ), University of Bristol, University of Manchester (Ұлыбритания), Clausthal University of Technology (Германия), Université Sorbonne Paris Cité (Франция), University of Debrecen (Венгрия), Università Bocconi (Италия), Asia Pacific University of Technology & Information (Малайзия) және т.б. жетекші жоғары оқу орындары болды.

Көрме бағдарламасының шеңберінде шетелдік жоғары оқу орындары өкілдерінің қатысуымен  қосарлы диплом бағдарламалары бойынша «дөңгелек үстел» ұйымдастырылды, сондай-ақ жоғары оқу орындарында оқытудың инновациялық әдістері бойынша мастер-класстар өткізілді, соңында қатысушылар сертификаттар алды, сонымен қатар қазақстандық студенттер үшін 30-ға жуық таныстырылымдар өткізілді. Көрме шеңберінде

DAAD, DFG German Research Foundation, Campus France, American Councils, Turkey Scholarships, Study in Hungary және т.б. стипендиалдық бағдарламалардың таныстырылымдары өтті.

Көрме қатысушылары арасында тілдік курстарға жолдамалар ұтысы өткізілді: Singapore Institute of Management, FLS International (АҚШ),  Stafford House International (Ұлыбритания), EF Education First Kazakhstan, «Study INN» білім беру орталығы.

Көрме қорытындылары бойынша 10-нан астам қазақстандық, шетелдік жоғары оқу орындары және «Халықаралық бағдарламалар орталығы» АҚ арасында ынтымақтастық туралы меморандумға қол қойылды.

Қазақстанды әлемдік білім кеңістігіне одан әрі біріктіру үшін білім саласында халықаралық ынтымақтастық келешегін кеңейту, шетелдік білімді дәріптеу, сондай-ақ халықаралық білім жобаларын жүзеге асыру саласында тәжірибе алмасу осы іс-шараның мақсаты болып табылды.

«Халықаралық бағдарламалар орталығы» АҚ президенті Ж.Мелдешов атап өткендей: «Қазақстан батыл қадаммен Орталық Азияда ең ірі білім хабы болып келеді». 

1

2

4

5

6

7

8

9

 

 

 

Астанада «International Education Fair 2017» халықаралық білім көрмесі өтті

27.06.2017

 Үстіміздегі жылғы  23–24 маусымда Астана қаласында «Қазақстан» орталық концерт залында Қазақстан Республикасы Білім және...

ҚР АҚПАРАТ ЖӘНЕ КОММУНИКАЦИЯЛАР МИНИСТРЛІГІ ОРТАЛЫҚ КОММУНИКАЦИЯЛАР ҚЫЗМЕТІ

bolashak 20

ҚР АҚПАРАТ ЖӘНЕ КОММУНИКАЦИЯЛАР МИНИСТРЛІГІ ОРТАЛЫҚ КОММУНИКАЦИЯЛАР ҚЫЗМЕТІ

Баспасөз хабарламасы

2017 жылғы 19 маусым                                                                          Астана қ.

Орталық коммуникациялар қызметінде ҚР Президентінің «Қазақстанның үшінші жаңғыруы: жаһандық бәсекеге қабілеттілік» жолдауын іске асыру тұрғысынан «Болашақ» стипендиясын жаңғыртуға арналған баспасөз конференциясы өтті.

Іс-шараға «Халықаралық бағдарламалар орталығы» АҚ вице-президенті Мейіржан Алпысбай, «Халықаралық бағдарламалар орталығы» АҚ вице-президенті Зульфия Төребекова және Конкурстық рәсімдерді ұйымдастыру департаментінің директоры Айман Әубакірова қатысты.

Мейіржан Алпысбай сөйлеген сөзінде атап өткендей, жаңа экономикалық саясат пен мемлекетті жаңғырту басымдықтары жағдайында Қазақстан үшін елдің сапалы әлеуетін арттыру және тиімді кәсіби ресурсты қалыптастыру ерекше маңызға ие болып отыр. Осыған байланысты, «Болашақ» халықаралық стипендиясы арқылы озық тәжірибе мен білімді үлгі алу республикада басталған Жаңғыртудың үшінші толқыны тұрғысынан да басым болып қалатынын мекеме басшысы атап өтті.  

Мейіржан Алпысбай ОКҚ-дағы брифингте сөйлегенде: «Болашақ» халықаралық стипендиясы білім беру салысындағы қазақстандық алғашқы серпілісті жобалардың бірі болып, кәсіби мамандарды даярлау жүйесі ретінде елдің кадрлардағы өсіп келе жатқан қажеттіліктеріне толық бейімделуге ұмтылуда. Бағдарлама маңызы «100 нақты қадам» Ұлт жоспарының институттық реформалары, елдің  индустриалды-инновациялық дамуы және Мемлекет басшысының «Жаңғырту 3.0» жолдауында белгіленген «адами капитал сапасын жақсарту» бойынша міндеттер аясында нығаяды, – деп атап өтті.

Білім және ғылым министрлігі «100 нақты қадам» Ұлт жоспары мен «Жаңғырту 3.0» іске асыру шеңберінде «Болашақ» стипендиясын әкімшілендірудің бірқатар негізгі параметрін қайта қарастырды.

23 мамырда Қазақстан Республикасы Үкіметінің Қаулысымен «Болашақ» стипендиясына үміткерлерді іріктеудің даңа қағидалары қабылданды, сондай-ақ конкурстық іріктеу рәсіміне өзгерістер енгізілді.  

Бірінші. IELTS 6.5 және одан жоғары сертификаты, сондай-ақ GPA 3.3 және одан жоғары дипломы бар тұлғалар үшін «жалпы конкурс» жаңа санаты енгізілді. Үміткерлердің осы санаты үшін жұмыс өтілі мен жұмыс беруші өтінімінің болуына талап қойылмайды. Осы санат магистр дәрежесін алу үшін стипендиаттардың басқа санаттарымен қатар, 2 айға дейінгі мерзімде оқу алдындағы даярлықтан (pre-master's) өту мүмкіндігін береді. 

Екінші. Академиялық бағдарламалар (магистратура, докторантура, резидентура) үшін үміткерлердің барлық санаттарына бакалавр немесе маман дипломының орташа балына қойылатын талаптар 3.0-ден 3.3 (4.0/4.33-тен) GPA деңгейіне дейін өзгертілді.

Үшінші. «Магистратура» бағдарламасы бойынша үміткерлердің барлық үлестік санаттары үшін ағылшын тілін меңгеру деңгейінің өлшемшарттары IELTS жүйесі бойынша 5.0 балдан 5.5 балға дейін көтерілді. Сонымен, «инженерлік-техникалық мамандық» санаты бойынша үміткерлерге қойылатын талаптар бұрынғы деңгейде – IELTS 5.0 қалады.

Төртінші. Стипендия тағайындау үшін үміткерлерді конкурстық іріктеу рәсіміне өзгерістер енгізілді. 2017 жылдан бастап конкурс 6 (алты) кезеңнен тұратын болады:

Бірінші кезең – үміткерлерді уәждемелік және ұсыным хаттар бойынша әзірленген өлшемшарттарға сәйкес алдын ала іріктеу.

Екінші кезең – үміткердің шет тілін білуі деңгейін анықтау.

Үшінші кезең – үміткердің мемлекеттік тілді білуі деңгейін анықтау.

Төртінші кезең – үміткерлерді психологиялық диагностикадан өткізуді, Қазақстан Республикасы Конституциясы мен тарихын білуін тестілеуді қамтитын кешенді тестілеу.

Бесінші кезеңТәуелсіз сарапатамалық комиссиямен жеке әңгімелесу, онда үміткерлердің кәсіби даярлығы деңгейі, сондай-ақ мамандану бойынша Қазақстан Республикасының стратегиялық және бағдарламалық құжаттарын білуі бағаланады.

Алтыншы кезең – ҚР Мемлекеттік хатшысы төрағалық ететін Шетелде кадрлар даярлау жөніндегі республикалық комиссияның қорытынды материалдарды қарауы.

Тағылымдамадан өту жөініде. Шетелде кадрлар даярлау жөніндегі республикалық комиссияның 2017 жылғы 13 наурыздағы шешіміне сәйкес  бағдарлама шеңберінде тағылымдамадан өту үшін «ғылыми қызметкерлер» және «Астана» халықаралық қаржылық орталығы қызметкерлері» санаттары белгіленді.

Алтыншы. Жұмыс өтелімінің өңірде 3 жылдық баламалы мерзімімен, Астана мен Алматы қалаларындағы жұмыс өтелімінің 5 жылының орнына, «орталық-өңір» үлгісі бойынша сараланған тетігі енгізілді. Осы тетік түлектердің барлық санаттарына қатысты.

«Болашақ» халықаралық стипендиясы 1993 жылы 5 қарашада Қазақстан Республикасы Президенті Н.Ә. Назарбаевтың Қаулысымен жарияланды. 24 жыл ішінде экономика және әлеуметтік сала секторларындағы ұлттық еңбек нарығы үшін «Болашақ» бағдарламасы бойынша 9,5 мыңнан астам жоғары білікті маман даярланды, оның ішінде ел өңірлері үшін 4000 инженерлік-техникалық қызметкер, 2000 астам білім саласындағы маман және шамамен 700 жоғары білікті дәрігер.

«Халықаралық бағдарламалар орталығы» АҚ жұртшылықпен байланыс жөніндегі қызмет: +7 (7172) 24 93 99, 24 93 97 (www.bolashak.gov.kz)

ҚР АҚПАРАТ ЖӘНЕ КОММУНИКАЦИЯЛАР МИНИСТРЛІГІ ОРТАЛЫҚ КОММУНИКАЦИЯЛАР ҚЫЗМЕТІ

19.06.2017

ҚР АҚПАРАТ ЖӘНЕ КОММУНИКАЦИЯЛАР МИНИСТРЛІГІ ОРТАЛЫҚ КОММУНИКАЦИЯЛАР ҚЫЗМЕТІ Баспасөз хабарламасы 2017 жылғы 19 маусым                                                                          Астана қ. Орталық...

INTERNATIONAL EDUCATION FAIR 2017 КӨРМЕСІНЕ КЕЛ ДЕ ШЕТЕЛДЕ БІЛІМ АЛУ ТУРАЛЫ БӘРІҢ БІЛІП АЛ!

 

Жуырда Қазақстандағы ең ірі International Education Fair 2017 халықаралық білім көрмесі болатынын асыға хабарлаймыз! 

фб розыгрыш4

Құрметті студенттер мен олардың ата-аналары!

Сіздер бұрыннан бері білім алу туралы ойланып, кімге жүгінерін білмей жүрдіңіз бе?

Жуырда Қазақстандағы ең ірі International Education Fair 2017 халықаралық білім көрмесі болатынын асыға хабарлаймыз!

Сіздер биыл өз біліміңізбен айналысуды жоспарлап жатқаныңызға немесе келешекке ғана жоспар құрып жатқаныңызға қарамастан осы көрме білім әлеміндегі соңғы жаңалықтар туралы білуге керемет мүмкіндік болып табылады.   Себебі, дәл сонда ғана Сіздер қазақстандық және шетелдік жоғары оқу орындары мен мектептердің өкілдерімен  тікелей сөйлесіп, Еуропа елдеріндегі толық стипендиалдық бағдарламалар, бүкіл әлем бойынша оқытуға жеңілдіктер туралы және тағы да көптеген ақпаратты біле аласыздар!

                   Көрмеде сіздерді:

  • 130-дан астам шетелдік жоғары оқу орындарының өкілдері (АҚШ, Ұлыбритания, құрлықтық Еуропа елдері, Азия, ТМД);
  • British Council, American Corner, DAAD, Campus France және көптеген еліміздің барлық өңірлерінен қазақстандық жоғары оқу орындары;
  • Білім агенттіктері (шетелде білім алу жөнінде кеңес беру);
  • Халықаралық стипендиалдық ұйымдар өкілдері;
  • Білім саласындағы әлемдік сарапшылар;
  • Халықаралық бағдарламалар орталығының өкілдері (Венгрия, Қытай, Литва және т.б. елдерде үкіметаралық гранттарды жүзеге асыру жөнінде кеңес беру) күтеді.

Сіздердің:

  • Білім саласындағы мәселелер бойынша кәсіби кеңестер алуға;
  • Өз ісінің майталмандарынан гранттар, стипендиялар туралы ақпарат алуға; 
  • Көрмеде ғана қолжетімді арнайы ұсыныстарда қатысып, бағалы сыйлықтар ұтысында бағыңызды сынап көруге;
  • Әйгілі халықаралық емтихандарды табысты тапсырудың басты құпияларын біліп алуға мүмкіндіктеріңіз бар!

Сіздерді

2017 жылғы 23–24 маусымда

Астана қ.,  «Қазақстан» орталық концерт залы

2017 жылғы 26–27маусымда

Алматы қ., әл-Фараби атындағы ҚазҰУ кітапханасында

күтеміз!

Ең маңызды ақпаратты тура түпкі деректемеден алу үшін

осындай бірегей мүмкіндікті жіберіп алмаңыздар!

Толығырақ: http://educationfair.bolashak.gov.kz/ru/o-vystavke/programma-vystavki.html

 

INTERNATIONAL EDUCATION FAIR 2017 КӨРМЕСІНЕ КЕЛ ДЕ ШЕТЕЛДЕ БІЛІМ АЛУ ТУРАЛЫ БӘРІҢ БІЛІП АЛ!

16.06.2017

  Жуырда Қазақстандағы ең ірі International Education Fair 2017 халықаралық білім көрмесі болатынын асыға хабарлаймыз!  Құрметті...

Ресей жоғары оқу орындары бюджеттік орындар ұсына отыра, Қазақстан азаматтарын оқуға шақырады

«Халықаралық бағдарламалар орталығы» АҚ 2017 – 2018 оқу жылы Ресей Федерациясының жоғары оқу орындарында оқу үшін бюджеттік орындардың ұсынылуы туралы хабарлайды. 

f203d630ce0c3265f9c9461092194e6b XL

Бюджеттік орныдар Қазақстан Республикасының азаматтарына келесі бағдарламалар бойынша оқу үшін ұсынылады:

  • Бакалавриат
  • Мамандану
  • Магистратура
  • Аспирантура

Білім алу гранты тегін оқу мен ай сайынғы стипендия төлеуді қарастырады.

Қабылдау емтихандары

2017 жылғы 26-28 маусым аралығында Шымкент қаласында

Лицей № 9 им. О. Жолдасбекова, ул. Казыбек би 40

контакты: 8 (725) 253 92 76

және

1-2 шілдеде Ақтау қаласында өтеді

«Білім-Инновация» Лицейі (КТЛ), мкрн. 30

контакты: 8 (7292) 33 84 29

 

Қабылдау комиссия келесі университеттерге талапкерлерді іріктеуді жүргізеді:

Байкал мемлекеттік университеті www.bgu.ru

Калининград мемлекеттік техникалық университеті www.klgtu.ru

Академик С.П. Королеватындағы Самара ұлттық зерттеу университеті www.ssau.ru

 

 

Ресей жоғары оқу орындары бюджеттік орындар ұсына отыра, Қазақстан азаматтарын оқуға шақырады

16.06.2017

«Халықаралық бағдарламалар орталығы» АҚ 2017 – 2018 оқу жылы Ресей Федерациясының жоғары оқу орындарында...